Рафис Кәлимуллин: «Бертуган апамның күршеләрендә газ баллоны шартлады»

Җырчы Рафис Кәлимуллин шушы йортта яшәгән һәм фатирсыз калган гаиләгә ярдәм җыюын хәбәр итте.

«Кичә бертуган апамның күршеләрендә газ баллоны шартлады. Гаилә йортсыз калды. Киемнәр һәм акча җыябыз, дусларым. Аллам сакласын.

Фатирда мәче калган булган, ул да янып беткән. Алар документларсыз, бернәрсәсез урамда калды», – дип, Әлфиягә ярдәм кулы сузарга чакыра Рафис Кәлимуллин.

Аның сүзләренчә, әлегә акчалата ярдәм җыялар. «Аларга киемнәр дә, яңа әйберләр дә кирәк булыр. Гаиләдә 3 бала бар», – дип төгәллек кертә җырчы. Бер кызга 6 яшь икәнен, малайга 6 ай гына булуын искәртә.

Инде 101 000 акча күчерелгән, ярдәм килеп тора икән.

Чыганак: https://omet-rb.com/articles/kh-vef-kh-t-r/2024-04-08/rafis-k-limullin-bertugan-apamny-k-rshel-rend-gaz-ballony-shartlady-3719172