Арск-Информ
  • Рус Тат
  • Республика балалар клиник хастаханәсе директоры Илдар Закиров вафат

    Табибка 44 яшь булган.

    Татарстан Республикасы балалар клиник хастаханәсе директоры Илдар Закиров 44 яшендә вафат булган. Бу хакта хастаханәнең матбугат сәркатибе Зөһрә Гыйбадуллина хәбәр итте.

    «Бик көтелмәгән хәбәр булды. Ул бик тыныч, шат күңелле, оптимист кеше иде. Бик кайгыртучан иде, һәрвакыт: «Нинди проблемаларыгыз бар?», - дип сорап торды. Без дә аңа ышана идек, чыннан да бөтен проблемаларны хәл итәрлек, ярдәмчел кеше иде», - диде ул.

     

    Фото: © Республика балалар клиник хастаханәсе матбугат хезмәте

    Матбугат сәркатибе сүзләренчә, ул спорт чараларын оештыруда да актив катнашкан. Хастаханә директоры вазифасына 2018нче елда билгеләнгән.

    Реклама

    Илдар Закиров 1978 елның 2 маенда Казанда туган. 2000нче елдаКазан дәүләт университетының «Стоматология» бүлеген тәмамлый.

    Хушлашу мәрасиме иртәгә 10:00 сәгатьтә Себер тракты 31А адресы буенча суд-медицина экспертиза бинасында була. Тынычлык бистәсендә җирләнәчәк.

    http://inform.tatar/news/respublika-balalar-klinik-xastaxanase-direktory-ildar-zakirov-vafat-5857136

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: