Ришат Төхвәтуллин «Гаилә белән сайлыйбыз!» телемарафонында гармунда уйнаган

Ул «Болгар Радиосы» студиясенә кунак булып килде, үзе белән гармун да алып килгән һәм җыр башкарган, дип яза ТНВ сайты.

Җырчы сүзләренчә, аның өчен гаилә һәрвакыт өстенлекле булган. Ул хәзер хатыны Алия белән бала көтүләрен, әмма сабыйның кем булачагын белмәүләрен дә сөйләгән.

Искәртеп үтик, бу телемарафон ТНВ каналында кичке унга кадәр бара. Тапшыруга 100дән артык кунак киләчәк. Алар арасында Татарстандагы билгеле гаиләләр, медиа-персоналар, татар эстрадасы йолдызлары һәм аларның якын туганнары була.

Шулай ук телемарафонның туры эфирында «Гаилә белән сайлыйбыз!» бәйгесенең бер җиңүчесен дә әйтәчәкләр. Аларга яңа Lada Vesta автомобиле ачкычы тапшырыла. Җиңүчене 17 мартта, 20:10 сәгатьтә курсэтэчэклэр. 

Тулырак: https://tatar-inform.tatar/news/risat-toxvatullin-gaila-belan-sailyibyz-telemarafonynda-garmunda-uinagan-5884842