Россия хәрбиләре Курск өлкәсендәге барлык участокларда һөҗүм алып бара
Фронтның бу участогында Украина армиясенең хәле бик тиз начарая
Россия хәрби хезмәткәрләре Курск өлкәсендәге барлык участокларда массакүләм һөҗүм алып бара. Бу хакта RT хәрби корреспонденты Саргон Хадая хәбәр итә.
«Россия гаскәрләре фронтның Курск өлкәсендәге барлык участокларында массакүләм һөҗүм алып бара. Каты бәрелешләр барышында Украина Кораллы көчләре бүлекчәләре бер-бер артлы җиңелүгә дучар була», - дип белдерде ул.
Хәрби корреспондент билгеләп үткәнчә, фронтның бу участогында Украина армиясенең хәле бик тиз начарая.
Якшәмбе көнне Россия гаскәрләренең Курск өлкәсендә Кече Локня, Черкасское Поречное һәм Косицаны азат итүләре билгеле булды.
Чыганак: Татар-информ
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев