Россиядә беренче төбәк “ковид-паспортлар”ны гамәлгә кертә

Карелия хакимияте предприятиеләрдә эшләүчеләр өчен “ковид-паспортлар”ны гамәлгә кертергә карар кылган. Бу бөтен кешегә дә бер төрле чикләүләр кертмәс өчен шулай эшләнелә, дип аңлатыла хәбәрдә.

Республика башлыгы Артур Парфенчиков сүзләренчә, бу дискриминация түгел, ә “акыл белән эш итү”.

Башлык карары нигезендә, оешмада эшләүчеләрнең 60 проценты вакцина ясаткан яисә 2021 елның 1 гыйнварыннан соң ковид белән авырган булса, республиканың Икътисад министрлыгына гариза юллап, коллектив иммунитеты турында паспорт алу мөмкинлегенә ия була.

Билгеле булганча, Россия Президенты Владимир Путин ковидка каршы вакцинация мәҗбүри түгелен искәртте.

 http://shahrikazan.ru/news/kyiskacha-ya%D2%A3alyiklar/rossiyad-berenche-tbk-kovid-pasportlarny-gamlg-kert