Шартлау булган фатирның хуҗасы газга рөхсәтсез тоташкан

Шартлау булган фатирның 70 яшьлек хуҗасы БСМП реанимациясендә ята, хәле авыр - үпкәләрнең ясалма вентиляциясе аппаратына тоташтырылган. Ул ялгыз, спиртлы эчемлекләр белән мавыккан.

"Челнинские известия"гә тикшерү бүлегендә хәбәр итүләренчә, шартлау булган фатирда газ 2010 елда ук түләнмәгән өчен сүндерелгән. Шуңа да карамастан, пенсионер үз белдеге белән фатирына газ тоташтырган һәм моны беркем дә белми калган. Беренчел версия буенча, газ чыгып торган, ә нәтиҗәсе барыбызга да мәгьлүм. Килеп чыккан хәлнең барлык шартларын белгечләргә ачыкларга туры киләчәк.

 http://shahrikazan.ru/news/kyiskacha-ya%D2%A3alyiklar/shartlau-bulgan-fatirny-khuasy-gazga-rkhstsez-totashkan