"Шкаф астында калган сеңлем „ярдәм итегез“ дип кычкырган, ләкин аны ишетүче булмаган..."

Казанның 175 нче мәктәбенең 5 нче сыйныфында укучы Ангелина РИА Новости хәбәрчесе белән аралашкан. Ангелинаның сеңлесе шушы ук мәктәптә икенче сыйныфта укый. Нәни кызны физкультура укытучысы үлемнән коткарып калган.

«Шартлау булгач, сеңлем өстенә шкаф ауган. Пыялалар ватылган, аның кыйпылчыклары сыйныфташларына тигән. Минем сеңлемне шкаф саклап калган. Бөтен кеше чыгып йөгергән, сеңлем булмавын абайламаганнар. Ул „ярдәм итегез“ дип кычкырган, ләкин аны ишетүче булмаган. Сеңлем шкаф астыннан үзе чыккан, көч-хәл белән аягын тартып алган. Аннары тәрәзә төбенә менеп, кычкыра башлаган», — дип сөйли Ангелина.

Хәзер нәни кыз өйдә, табиблар аның сөякләре бәрелүен ачыклаган. Фаҗига булган көнне аны да хастаханәгә алып киткән булганнар.

Тулырак: http://shahrikazan.ru/news/yazmalar/shkaf-astynda-kalgan-selem-yardm-itegez-dip-kychkyrgan-lkin-any-ishetche-bulmagan