Планшет турында хыялланган Кириллга, бүген ТР Президенты исеменнән гаджет тапшырдылар. Малайның теләге хакында Рөстәм Миңнеханов Дәүләт Советы утырышында чыршыга эленгән открытканы алгач белде.

Аңа кадәр Татарстан Президенты  11 яшьлек Әмирхан Садыйков һәм 6 яшьлек Данисның хыялларын чынга ашырган иде инде. Әмирхан белән алар вертолетта очтылар,ә Данис янгын сүндерүчеләр машинсына утырып карады.

«Татар-информ» агентлыгы Россия Президенты Владимир Путинның да быел «Минем белән бергә хыяллан» Бөтенроссия хәйрия проектында катнашып, Красная полянаны күрергә хыялланган Ставропольдә яшәүче 10 яшьлек Андрейның теләген чынга ашыруы хакында хәбәр иткән иде инде.