Татарстан мәктәпләрендә балаларны коронавирустан вакцинацияләүгә ризалык җыю эше бара

(Казан, 20 гыйнвар, «Татар-информ», Гөлнар Гарифуллина). Татарстан мәктәпләрендә балаларны коронавирустан вакцинацияләүгә ризалык җыю эше бара.

Бу хакта матбугат конференциясендә Татарстанның баш эпидемиологы Дмитрий Лопушов хәбәр итте.

«Якын арада "ГАМ Ковид-Вак М" вакцинасы Татарстанга кайтарылачак. „Омикрон“ штаммы тиз таралуын исәпкә алып, ата-аналар дөрес карарга килсен иде», — диде Лопушов.

Ул вакцинациянең ирекле булачагын әйтте. Прививка ясатмаган балалар каядыр кертелмәячәк дигән сүзләр дөреслеккә туры килмәвен искәртте.

 https://tatar-inform.tatar/news/health/20-01-2022/tatarstan-m-kt-pl-rend-balalarny-koronavirustan-vaktsinatsiyal-g-rizalyk-yyu-eshe-bara-5847612