Арск-Информ
  • Рус Тат
  • Улыннан бозым чыгару өчен 1,3 млн сум акча түләгән

    Петербургта пенсионер хатын, улын бозымнан коткару өчен, мошенникка 1,3 млн сум акча биргән.

    Полиция киемнәр сату һәм төрле бозым, күз тиюләрдән дәвалау белән шөгыльләнә торган хатынны тоткарлаган. 76 яшьлек пенсионер хатын, улын коткару өчен, аңа ике ай дәвамында акча биреп торган. Тегесе фатирын да сатарга кушкач, полициягә мөрәҗәгать иткән. Хастаханәне эзләп йөргәндә, бер хатын аңа юлны күрсәтә. Шуннан ризык алырга акча сорый. Сөйләшеп киткәч, сезнең улыгыз бар икән, аңа бозым куйганнар һәм аңа тиздән паралич сугачак, ди. Акча түләсәң, бозымны чыгарып буласын да әйтә. Бер генә тапкырда бозымнан дәвалап булмыйсын да кисәтә.

    Телефоннарын алышалар. Алдакчы хатын хастаханәгә яткан пенсионерга шалтыратып, тизрәк аннан чык, югыйсә үзеңне алып чыгалар, ди. Аның сүзенә ышанып, чынлап та хастаханәдән кайтып китә. Мошенник та гел шалтырата башлый. Бозымны чыгару өчен акча алып, монастырьга алып барам дип алдалый. Пенсионер туганнарыннан да акча җыя. 290 мең сумны кредитка ала. Барысы 1,3 млн сум алдакчы кесәсенә кереп утыра. Бу акчалар да җитмәгәч, фатирын сатарга куша. Полиция 49 яшьлек мошенникны тоткарлый. Ул элек законсыз наркотиклар әйләнеше өчен җинаять җаваплылыгына тартылган булган, дип яза “КП”.

    Реклама

     http://shahrikazan.ru/news/kyiskacha-ya%D2%A3alyiklar/ulynnan-bozym-chygaru-chen-13-mln-sum-akcha-tlgn

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: