erid:LgsiSnffX
Арск-Информ

Арча районы

18+
Рус Тат
2024 - Гаилә елы
Яңалыклар

Яңа пособиеләр, ОСАГО һәм бушлай җир: август аеннан тормышыбызга үтеп керүче үзгәрешләр

Мәктәп укучыларына пособиеләр, спорт белән шөгыльләнүчеләргә салым “вычеты”, Ерак Көнчыгыштан җир алучыларга тагын бер кишәрлек, машина йөртүчеләргә техник караусыз ОСАГО: август аеннан тормышыбызга үтеп керүче үзгәрешләр арасыннан иң мөһимнәрен тәкъдим итәбез ("Ватаным Татарста").

Яңа пособиеләр, ОСАГО һәм бушлай җир: август аеннан тормышыбызга үтеп керүче үзгәрешләр

 05.08.2021

Яңа пособиеләр, ОСАГО һәм бушлай җир: август аеннан тормышыбызга үтеп керүче үзгәрешләр

Мәктәп укучыларына пособиеләр, спорт белән шөгыльләнүчеләргә салым “вычеты”, Ерак Көнчыгыштан җир алучыларга тагын бер кишәрлек, машина йөртүчеләргә техник караусыз ОСАГО: август аеннан тормышыбызга үтеп керүче үзгәрешләр арасыннан иң мөһимнәрен тәкъдим итәбез.

Спорт белән шөгыльләнүчеләргә салымның бер өлеше кире кайта

С 1 августтан спорт белән шөгыльләнүгә (шул исәптән балаларның) тотылган чыгымнарның 13 процентын (елына – күп дигәндә 120 мең сумнан) кире кайтарырга мөмкин булачак. Иң зур “вычет” күләме 15,6 мең сум тәшкил итә. Бу акчаны алу өчен спортка, фитнеска түләү чыгымнарын раслаучы документлар – килешү күчермәсе һәм касса чегын тапшырырга кирәк.

Ерак Көнчыгыштан – тагын бер гектар

“Ерак Көнчыгыш гектары” программасында катнашып, җир кишәрлеген уңышлы гына үзләштерүчеләргә тагын бер кишәрлек алу мөмкинлеге ачыла. Моннан тыш бу программа хәзер Россиянең Арктика зонасындагы җирләргә дә кагыла. Арктикада да торак төзү, хуҗалык алып бару, башка төрле хуҗалык эшчәнлеген хәл кылу максатында бушлай җир кишәрлекләре биреләчәк.

Ау турында закон үзгәрә

“Хайваннар дөньясы турында” һәм “Ау турында” федераль законнарга төзәтмәләр үз көченә керә. Хәзер төбәкләр башлыклары рөхсәт ителгән ау төрләрен, вакытын, ау коралын һ.б., Россия Табигать ресурслары һәм экология министрлыгы белән килештергәннән соң, үзләре үк билгели алачак. Шулай ук хайваннар дөньясын дәүләт кадастр исәбенә кую турында нигезләмә гамәлгә кертелә. Ау ресурсларына дәүләт мониторингы кимендә өч ел рәттән теге яки бу хайван яисә кошның өзлексез кимүен (гомуми саны 50 проценттан күбрәккә кимүне) раслаган очракта гына ауга тыю кертеләчәк.

Таксистларның санлы базасы

Реклама
erid:2Vtzqwy9AuJ erid:2Vtzqwy9AuJ

Такси эшен анализлау системасы эшли башлаячак. Дөрес, әлегә Мәскәү төбәгендә генә. Һәр таксистка, цифрлы системада теркәлеп, уникаль идентификатор (ID) алырга кирәк булачак. Анда таксистның штрафлары, эшләгән сәгатьләре һ.б. тупланып барачак. Система тиешледән артык сәгать эшләүчеләргә, юл хәрәкәте кагыйдәләрен бозучыларга эшләү мөмкинлеге бирмәячәк. Яңалыкның шәһәр юлларында аварияләр санын киметүгә һәм сервисны яхшыртуга китерүе күздә тотыла.

Мәктәп балаларына акча

2 августтан 6-18 яшьлек балаларга, шулай ук физик мөмкинлекләре чикләнү сәбәпле мәктәптә укуларын дәвам итүче 23 яшькә кадәрге инвалидларга 10ар мең сум күләмендә бер тапкыр акча бирү башлана. Пособиене алу өчен балага 1 сентябрьгә кадәр алты яшь тулырга тиеш. Ә инде үсмергә 3 июльгә кадәр 18 яшь тулган булуы кирәк. Пенсия фонды укучыларга пособие түләү турындагы гаризаларны 1 ноябрьгә чаклы кабул итәчәк. Шул ук вакытта акча быел әле беренче сыйныфка бармаучы алты яшьлек сабыйларга да биреләчәк.

ОСАГО өчен техник карау бетерелә

22 августтан ОСАГОны җайга салучы законга төзәтмәләр үз көченә керә. Хәзер автомобиль хуҗаларына мәҗбүри автогражданлык җаваплылыгы полисын алу өчен техосмотр узарга кирәк булмаячак. Ләкин бу техник карауның юкка чыгарылуын аңлатмый. Аны, элеккечә үк, узарга туры киләчәк. 2022 елның 1 мартыннан башлап, ТО узмаган өчен 2 мең сумлык штраф салыначак. Техник карау узганлыкка документның (диагностик картаның) булу-булмавын юллардагы махсус камералар ярдәмендә тикшерү, штрафны тәүлегенә бер тапкыр язу күздә тотыла.

Чит ил кешеләренә таныклыклар

Россия территориясендә яшәүче чит ил кешеләренә, 24 августтан башлап, ун елга вакытлыча таныклыклар (шәхесен раслаучы документ) бирелә башлаячак. Документ хуҗасы башка ил гражданлыгын алган яки башка илдә вакытлыча яшәүгә рөхсәт алган очракта, таныклыгы гамәлдә булудан туктаячак, ә үзе 15 тәүлек эчендә Россиядән чыгып китәргә тиеш булачак.

Тавыш рекламасын чикләү

Биналарның түбәләре һәм диварларына урнаштырылган тавыш көчәйтү җайланмалары ярдәмендә тавыш рекламасын таратуны тыю турында закон 25 августтан үз көченә керә. Закон шул рәвешле кешеләрне кирәкмәгән шау-шудан саклауны күздә тота.

https://vatantat.ru/2021/08/59847/

Следите за самым важным и интересным в Telegram-каналеТатмедиа

Хәзер Арча һәм Арча районы яңалыкларын безнең Telegram-каналдан да белә аласыз

 

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Арча хәбәрләре

2
X