Арск-Информ
  • Рус Тат
  • Янгыннан соң йортсыз калган күп балалы гаиләгә йорт салып бирәчәкләр

    Яшел Үзәндә алты балалы гаиләнең йорты янып беткән, аларга авылда йорт бирәчәкләр

    (Казан, 30 октябрь, «Татар-информ», Эльза Кузнецова). Яшел Үзән районы башлыгы Михаил Афанасьев Зур Ачасыр авылында йортлары янган күп балалы гаиләгә тиешле ярдәм күрсәтергә йөкләмә бирде.

    Әлеге гаиләнең йорты узган төндә янган, дип хәбәр ителә Яшел Үзән районының матбугат хезмәтендә.

    «Күп балалы гаилә янгыннан соң йортсыз калды. Өй, мунча, хуҗалык корылмалары янып көлгә әйләнде. Район башлыгы зыян күрүчеләргә ярдәм итүдә шәхсән катнашты, аларга кирәкле бөтен әйберне дә алып киләчәкләр», — ди Яшел Үзән районы советы аппаратының массакүләм мәгълүмат чаралары һәм җәмәгатьчелек белән элемтә бүлеге җитәкчесе вазифаларын вакытлыча башкаручы Регина Чибрикова.

    Реклама

    Аның сүзләренчә, гаиләгә Яшел Үзәндә йорт тәкъдим иттеләр, әмма алар баш тартты һәм Казанда туганнарында яшәп торырга карар кылды. «Шулай ук алар өчен шушы авылда йорт сайланды хәзер аны сатып алу мәсьәләсе хәл ителә», — дип сөйләде ул.


    Гаиләдә алты бала: 13, 11, 8 һәм 7 яшьлек дүрт кыз, 10 һәм 5 яшьлек ике малай тәрбияләнә. Агентлык әңгәмәдәше сүзләренчә, алар могҗиза белән генә исән калган һәм ут капкан йорттан документларын алып чыгарга өлгергәннәр. Битараф булмаган авылдашлары гаиләгә төн уздырырга булышкан, ә мәктәп һәм мәчет туклану оештырган. 

    https://tatar-inform.tatar/news/incident/30-10-2021/yashel-z-nd-alty-balaly-gail-ne-yorty-yanyp-betk-n-alarga-avylda-yort-bir-ch-kl-r-5842239

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: