Йөк машинасы һәм җиңел автомобиль катнашында авариядә ир-ат салонда кысылып калган

Бүген республиканың Югары Ослан районында трассада йөк машинасы һәм җиңел автомобиль катнашында авария килеп чыккан.

Авария шаһитлары хәбәр иткәнчә, фаҗига Канаш авылы тирәсендә булган. Көчле бәрелүдән җиңел машина шактый җимерелгән, йөк машинасының тәгәрмәче чыгып очкан.

Бәрелешкәннән соң, җиңел машина йөртүчесе автомобиль салонында кысылып калган. Шаһитлар әйтүенчә, ир-атның аягы сынган, аны ашыгыч ярдәм табиблары хастаханәгә алып киткән.   

 https://tatar-inform.tatar/news/incident/04-05-2021/yugary-oslanda-avariyad-ber-ir-at-avtomobil-salonynda-kysylyp-kalgan-5822072