Яңалыклар
Зәйнәб Фәрхетдиновага орден биргәннәр
Бу хакта РФ мөселманнары Диния нәзарәтенең матбугат хезмәте хәбәр итә.
РФ мөселманнары Диния нәзарәте рәисе, мөфти шәех Равил Гайнетдин күрсәтмәсе белән аның урынбасары Рушан Әббәсов Татарстанның халык артисты Зәйнәб Фәрхетдиновага «Әл-Фәхр» Мактау орденын тапшырды.
Россия мөселманнарының югары бүләге җырчыга «татар милли җыр сәнгатен саклау һәм үстерүгә зур шәхси өлеш керткән өчен» тапшырылды.
Бүләкләү тантанасы 1 декабрьдә җырчының Дәүләт Кремль сараенда узган юбилей концертында булды.
Зәйнәб Фәрхетдинова – Россия һәм татар эстрадасы җырчысы. 2009 елдан – Татарстан Республикасының халык артисты. «Алтын Барс» («Татар җыры»), «Болгар радиосы», «Туган Тел милли премиясе» (Уфа), шулай ук «TMTV» телеканалы премиясе лауреаты.
Чыганак: https://tatar-inform.tatar/news/zainab-farxetdinova-al-faxr-maktau-ordenyna-laek-buldy-5897275
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев