Арск-Информ
  • Рус Тат
  • 1 нче апрельдән ташламалардан кемнәр "колак кагачак"

    Бу тыю терроризмны һәм башка җинаятьләрне финанслауга каршы көрәшү өчен кертелде.

    Кайбер россиялеләргә балалар түләүләренә, электрон акча янчыгына, банк кредитларына, мәшгульлек хезмәтенә онлайн-гаризалар бирүгә кагылышлы сорауларны хәл итеп бетерү өчен нибары берничә көн вакыт калды. 1 апрельдән коронавирус пандемиясе чорында кертелгән кайбер ташламалар гамәлдән чыгарылачак, дип хәбәр итә «Матбугат.ру». Аерым алганда, сигез яшькә кадәрге һәр балага 5 мең сум күләмендә Яңа ел түләүләре туктатыла.    65 яшьтән өлкәнрәк эшләүче кешеләргә "карантин больничныйларын" рәсмиләштерү мөмкин булмаячак. Бу ташлама да 1 апрельдән гамәлдән чыгарылачак. Мондый адым хөкүмәт тарафыннан коронавирус пандемиясе кызган вакытта өлкән яшьтәге россиялеләрне авыру йоктыру куркынычыннан читләштерү өчен ясалган иде. Бу ташлама бетерелгәч, түрәләр эш бирүчеләргә, мөмкин булганча, өлкән хезмәткәрләрне өйдән торып эшләүгә күчерергә тәкъдим итәләр.   Шулай ук март тәмамлангач, Россия Банкының ковид белән авырган гражданнар өчен кредитларны реструктуризацияләү турындагы тәкъдимнәре үз көчен югалтачак. Эпидемия нәтиҗәсендә керемнәре кимегән россиялеләр дә шундый ук ташламадан файдаланды. Моннан тыш, 1 апрельдән кредит оешмаларында бурычлары булган клиентларны ипотекага рәсмиләштерелгән торактан чыгаруны тыю да бетерелә.   Апрель башлану белән эшсез россиялеләр дәүләт хезмәтләре ярдәмендә онлайн-теркәлү хокукыннан мәхрүм ителәчәк. 1 апрельдән аноним электрон акча янчыкларын (шул исәптән WebMoney, PayPal һәм VK Pay) тулыландыру да тыела башлый. Бу тыю терроризмны һәм башка җинаятьләрне финанслауга каршы көрәшү өчен кертелде.

    Фото: пиксабай

    Реклама

    Тулырак: https://matbugat.ru/news/?id=32504

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: