5 яшеннән мәчет төзегән

Бу сорау безне дә кызыксындырды. Фаил исемле, диделәр, телефонын да табып бирделәр. Икенче көнне иртән мәчет бинасы янында очрашырга сөйләштек.

– Әхтәмов Фаил Насыйбулла улы булам, – дип бик җылы исәнләште ул. – Менә әнием Рәсимә, абыем Наил, җәмәгатем Гөлшат.

Бераздан без күптәнге танышлар кебек әңгәмә кора идек инде.

– Әхмәт биш яшеннән мәчет төзим дип хыялланды, – диде әнисе. – Моңа үзебезнең дә исебез китте.

– Мин биш яшьтә генә йөри башладым, – ди Фаил Әхтәмов. – Мәчет төзим дип әйткән нәзеремне 46 елдан соң тормышка ашырдым.