Арск-Информ
  • Рус Тат
  • Аеруча вакыйгаларга бай көн булды

    5 нче март Г. Тукай исемендәге Яңа Кырлай урта мәктәбенең 1 нче сыйныф укучылары өчен аеруча вакыйгаларга бай көн булды

    Бу көнне алар өч бәйрәмне билгеләп үттеләр. Беренче бәйрәм - "Әлифба бәйрәме". Укучылар үзләренең беренче җиңүләрен бәйрәм иттеләр. Алар бәйрәм вакытында әдәби укудан, математикадан, рус теленнән үзләренең белем дәрәҗәләрен күрсәттеләр. Кунакка килгән әниләре алар өчен чын күңелдән сөенеп утырды. Бәйрәм искиткеч булды. Бу күңелле бәйрәм якынлашып килүче 8 март бәйрәме белән үрелеп китте. Балалар әниләрен бу матур бәйрәм белән котладылар, җырладылар, биеделәр. Аннан соң өченче бәйрәмгә чират җитте. Бу көнне сыйныфташлары Раминаның туган көне иде. Ул дусларын үзенең туган көнен бәйрәм итәргә кунакка чакырды. Мәктәптән соң да бәйрәм дәвам итте. Балаларыбызның тормышлары гел куанычлардан гына торсын иде!

    Реклама

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: