Арчаның 6нчы мәктәбе укучылары Бөек Ватан сугышы һәм тыл ветераннарына ярдәм итә

Арчаның 6нчы мәктәбе Җиңү волонтерлары илебез тарихына битараф түгел. Илебез халкы Бөек Җиңүнең 78 еллыгын билгеләп үтәргә җыенган көннәрдә алар исән булган Бөек Ватан сугышы һәм тыл ветераннарының өйләрендә булып, аларга йорт эшләрендә булышты. Шулай ук алар шәһәр зиратында каберләрне чистартты.

“Ветераннар безгә сугыш елларында күргән авырлыклары турында сөйләде. Без әби-бабаларыбызның күргәннәре, аларның тормышы турында белергә һәм алар турында кайгыртырга тиеш. Безнең өчен бу авыр түгел. Алар өчен бу бик мөһим! – дип сөйли 9А сыйныфы укучылары (сыйныф җитәкчесе Г.Гыйльметдинова).