Арск-Информ
  • Рус Тат
  • Арча муниципаль район башлыгы Илшат Нуриевның бәйрәм котлавы

    Хөрмәтле сугыш һәм хезмәт ветераннары, өлкән буын вәкилләре!

    Халыкара Өлкәннәр көне уңаеннан ихлас котлауларны кабул итеп алыгыз!

    Күңел көрлеге, зирәклек, сабырлык һәм канәгатьлек кебек күркәм сыйфатларны, беренче чиратта, өлкән буын кешеләренә хас дип әйтәләр. Сезнең буынга авыр сынаулар һәм югалтулар аша узарга туры килде. Дәһшәтле Бөек Ватан сугышы, сугыштан соңгы күтәрелеш чоры, халык хуҗалыгы объектларын торгызу, илнең икътисадый һәм мәдәни куәтен ныгыту еллары. Тарихи традицияләр һәм буыннар алмашын саклап калып, нәкъ менә сез, үзегезнең аяусыз һәм тырыш хезмәтегез белән бүгенге балаларыгыз һәм оныкларыгыз горурлана торган тормышны барлыкка китердегез. Зур рәхмәт Сезгә!

    Татар халкында “Олыласаң олыны, олыларлар үзеңне” дигән бик матур мәкаль бар. Өлкән кешеләребезне хөрмәт итү – урта һәм яшь буынның асыл бурычы.

    Реклама

    Кадерле апа-абыйлар, әби-бабайларыбыз! Сезнең барыгызга да исәнлек-саулык, имин, матур көннәр телим, ул-кызларыгызның, онык-оныкчыкларыгызның рәхәтен һәм рәхмәтен күреп, озак еллар яшәргә насыйп булсын.

    Арча муниципаль район башлыгы И.Г.Нуриев

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: