Арск-Информ
  • Рус Тат
  • Арча полиция хезмәткәрләре законсыз акча алуда шикләнелә

    Татарстан Республикасы Эчке эшләр министрлыгының  эчке куркынычсызлык хезмәткәрләре Россия Эчке эшләр министрлыгының Арча районы буенча бүлегенең өч хезмәткәрен тоткарлаган.

     

    Әлеге хезмәткәрләр законсыз рәвештә акча алуда шикләнелә. Акча арадашчыларга йөртүче таныклыгы алу өчен имтиханнар тапшырганда булышу өчен бирелгәнлеге ачыкланган. Полиция хезмәткәрләренең хокукка каршы гамәлләрдә катнашы булу-булмавы ачыклана.

    Әлеге факт буенча хезмәт тикшерүе уздырыла. Әгәр эчке эшләр бүлеге органнары хезмәткәрләренең намусына һәм дәрәҗәсенә тап төшерә торган гаеп барлыгы ачыкланса, әлеге хезмәткәрләр эштән азат ителәчәк, шулай ук законда каралганча җәза алачаклар. Моннан тыш, аларның турыдан-туры җитәкчеләре катгый дисциплинар җаваплылыкка тартылачак.

    Безгә бу турыда Татарстан Республикасы Эчке эшләр министрлыгының матбугат хезмәте хәбәр итте

     

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: