Арча районында 6 ветеран юбилей медале ияләре булды

автор, 26 февраль 2020 - 09:05

1680

Арча районында яшәүче ветераннарга юбилей медальләре тапшырылды.

Арча районында 6 ветеран юбилей медале ияләре булды

21 февральдә ТР Премьер-министры урынбасары, авыл хуҗалыгы һәм азык-төлек министры Марат Җаббаров белән Арча район башлыгы Илшат Нуриев район Мәдәният йортында тантаналы шартларда Бөек Ватан сугышы ветераны Мидхәт Сәфәровка “1941–1945 елларда Бөек Җиңүнең 75 еллыгы хөрмәтенә” медале тапшырдылар.

Арча район башлыгы Илшат Нуриев Арча шәһәрендә яшәүче Бөек Ватан сугышы ветераннары Мәсхүд Галиевка, Сәлмән Мәүлетовка, Бари Муллагалиевка, Үзбәк Сабировка, Әдһәм Әхмәтҗановка, Госман Габдрахмановка юбилей медальләре, бүләкләр тапшырды.

Әлеге тантаналарда районның хәрби комиссары Алмаз Борһанов, социаль яклау бүлеге җитәкчесе Ләйсән Галәветдинова, шәһәр башкарма комитеты җитәкчесе урынбасары Ленар Йосыпов, район һәм шәһәр Советлары депутатлары Ильяс Хәкимов, Хәбир Котдусов, Зиннур Гарифуллин, Динар Төхвәтуллин, Альберт Хәкимов Алимас Әмиров, Лилия Гарәфиева, Рамил Әхмәтгәрәев, яшь гвардиячеләр катнашты. Депутатлар ветераннарга үз бүләкләрен тапшырдылар.