"Арча xәбәрләре" хәбәрсез югалган якташларны табыша

Ул газетабызда басылган исемлектән Бөек Ватан сугышында үзенең хәбәрсез югалган җизнәсе Королев Михаил Петровичны табып алган.

- Ул минем әниемнең апасы Нина түтәйнең ире. Сугыш башлангач та Арчадан фронтка алынган һәм беренче көннәрендә үк хәбәрсез югалган. Әлегә кадәр без аның язмышын белмәдек. Сезнең ярдәм белән аның 1941 елның августында Ленинград өлкәсенең Красногвардейск шәһәрендә урнашкан хәрби госпитальдә яралардан вафат булуын ачыкладык. Бик зур рәхмәт сезгә, бу изге эшегезне дәвам итегез, - диде ул.

 Без үз чиратыбызда якташларыбыз турында мәгълүматлар җибәргән Бөек Ватан сугышы музей-мемориалы мөдире Михаил Черепановка рәхмәтле. Шушы көннәрдә ул безгә сугышта һәлак булган 17220 якташыбызның исемлеген җибәрде. Анда бәлки сезнең дә хәбәрсез югалган туганыгыз бардыр. Кереп карагыз әле!