Бер көндә мошенниклар тарафыннан алданган 5 очрак теркәлде
Арчада үзеңне изоляцияләү чоры таләпләрен үтәмәүче 154 кешегә беркетмә төзелгән.
- Суд карары нигезендә шәхси эшмәкәрләр Шәйхетдинова һәм Әмирфатовка 30ар мең, кибет мөдире вазыйфаи зат Эсауловага 10 мең сум штраф салынды, - диде Арча эчке эшләр бүлеге начальнигы Айдар Баһавиев Арча муниципаль районында коронавирус инфекциясен профилактикалау һәм контрольдә тоту чараларын тормышка ашыру буенча Оператив штаб утырышында, - Җинаятьләр саны артты. "Алсу" кибетенә керделәр, Түбән Мәтәскәдә крестьян-фермер хуҗалыгын бастылар. Караклар кайнар эздән тотылды. Мошенниклар бик күпкә артты. Мирҗәмнән 1962 елгы бер кеше, Симетбаштан берәү мошенниклар корбаны булды. Бер көндә мошенниклар тарафыннан алданган 5 очрак теркәлде. 4 айда 28 җинаять эшләнде.
Хәзер Арча һәм Арча районы яңалыкларын безнең Telegram-каналдан да белә аласыз
Иң мөһим һәм кызыклы язмаларны Татмедиа Telegram-каналында укыгыз
