Арск-Информ
  • Рус Тат
  • Арчада азык-төлек тутырылган җыелмалар кемнәргә биреләчәк?

    Безнең районда 5нче майдан соң тапшырылачак.

    Үзеңне изоляцияләү чорында авыр тормыш хәлендә калган татарстанлыларга Бүген азык-төлек тутырылган җыелмаларны җибәрә башлаганнар. Ул “Ярдәм итик! Помощь рядом!” хәрәкәте кысаларында үтә. Андый күчтәнәчләрне барлыгы 55 мең гаилә алачак.

    Безнең районнан да ул 871 кешегә тапшырылачак. 5нче майдан соң. Барлыгы 3478 җыелма. Чөнки ул һәр гаиләгә апрель ае өчен икәү, май ае өчен икәү булачак.

    Беренче чиратта аны күп балалы, авыр хәлле гаиләләр алачак. Шулай ук үзеңне изоляцияләү чорында эшсез дә, хезмәт хаксыз да калган күп балалы үзмәшгульләр, шәхси эшмәкәрләр дә алачак.

    – Безнең районда барлыгы 1200 шәхси эшмәкәр, 700дән артык үзмәшгуль бар. Шулар арасыннан 98 кешене сайлап алырга кирәк. Һәрберсенең гаилә хәлләрен аерым өйрәнеп, җентекләп сайладык. Күчтәнәчләр аеруча зур зыян күргәннәренә генә бирелә, – диде район башлыгы урынбасары Гөлнара Гарипова.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: