Арчада битлек рейдлары бара

Без, журналистлар да, битлек рейдларында катнашабыз. Кибетләрдә нигездә битлек режимы саклана. Әмма сәүдә итүчеләрнең кайберләре зарлана: битлек кимиләр, ки дигәч, сүгенеп чыгып китәләр, закон таләп итәләр, хәтта прокуратурага баручылар бар, диләр. Без рейдта вакытта Арча кибетләренең берсендә кассага чират торган бер яшь ханымга: "Битлегегезне авыз--борыныгызга күтәреп куегыз" -- дигәч, безне бөтенләй ишетмәде. Дөресрәге, ишетергә теләмәде, башын читкә борды. Ә берсе: "Туйдырдыгыз инде, кибеткә керәсе килми!" -- дип җенләнеп китеп барды. Хәтта бер яулык бөркәнгән ханым кибетчеләрне "Сарыклар!" -- дип сүгеп чыгып киткән.Сакланырга кирәк, дип киңәш бирүчеләр дә бар.

Нишлисең бит, коронавирус та, аннан саклану чаралары да туйдырды, әмма сакланмыйча да булмый...

Законны үтәмәүчеләргә җаваплылык каралган.