Арчада кафега кергән идек...

Янәсе каникулда бер ял булсын. Ике гаилә бардык. Шашлыкка заказ бирдек. Ярты сәгатьтән әзер була, диделәр. Әмма бик тиз китерделәр. Әзерне җылытканнар гына. Җылынып та җитмәгән. Дөресен генә әйткәндә, безгә монда ошамады. Чыгып киткәндә хезмәт күрсәтүче кызларына әйтеп тә чыгып киттек.

-- Безгә ошамады, - дидек. - Шашлыкны пешереп, кайнар килеш чыгарырга иде. Клиент сезне эзләп килә торган булсын. Ә без сезгә башка кермибез. 

Монысы кафе тотучыларга теләк. Хезмәт күрсәтү шәп булырга тиеш! 

Җәен диңгез буена баргач, ялның соңгы көнендә без кафега кереп, шашлык белән сыйланабыз. Бу гадәткә кергән. Шашлыкны пешереп, кайнар килеш бирәләр. Ашап туймыйсың! Арчада шашлык пешерүчеләргә дә шул теләк. Клиентлар эзләп килә торган булсын!