Арчада милләтләр кроссы

автор, 23 сентябрь 2019 - 08:38

1242

"Миләтләр кроссы"нда катнашучыларның кәефе шәп иде!

Арчада милләтләр кроссы булды. Старт "Арча" спорт комплексы яныннан бирелде. Арчаның 5нче гимназиясенә кадәр йөгерделәр. Олысы--кечесе кросста катнашты. Йөгерүчеләрне район башлыгы Илшат Нуриев сәламләде һәм уңышлар теләде. Кросс башланыр алдыннан район яшьләр бүлеге Казан артистлары белән тулы бер шоу әзерләгән иде. Кросста катнашучыларны рәхәтләндереп биетттеләр. Шәп кәеф белән старт алдылар. Шундый әйбәт кәеф белән Арчаның 5нче гимназиясенә килеп җиттеләр. Ә анда кайнар чәй һәм коймаклар көтә иде... Җиңүчеләрне бүләкләр дә көтә иде... Иң беренче булып финишка Адел Мөҗипов килеп җитте. Ул Арча педагогика көлиятен тәмамлаган егет. Хәзер Арча спорт комплексында эшли.