Арчада "Татар кызы" бәйгесе үтте

автор, 13 март 2021 - 07:57

1077

Г.Тукай исемендәге Арча педагогия көллиятендә Татарстан Республикасы урта һөнәри белем бирүче уку йортлары студентлары арасында Республика күләмендә “Татар кызы” бәйгесе узды.

Бәйгедә беренче этапны лаеклы рәвештә җиңеп чыккан 11 кыз көч сынашты, дип хәбәр ителә Арча педагогика көллияте сайтында.

1 урынны «Казан технология һәм дизайн көллияте» студенты Эльвина Мөхәмәдуллина, 2 урынны - М.Җәлил исемендәге Минзәлә педагогоия көллияте студенты Гөлнара Талипова, 3 урынны - Казан төзелеш көллияте студенты Зилә Шәрипова яулады.

Җюри әгъзалары бер тавыштан бәйгедә иң зур балл җыйган Г.Тукай исемендәге Арча педагогия көллияте студенты Әхмәтҗанова Адиләне Гран-прига лаек дип тапты һәм Бөтендөнья татарконгрессының махсус бүләген тапшырды. Кызларның һәрберсенә дипломнар, истәлекле бүләкләр тапшырылды.