Арча яңалыклары
Арчада зурлар арасында шахмат ярышы булды
Район мәдәният йортына иң оста шахмат уйнаучылар җыелган.
Ярышта барысы 12 кеше катнашты. Алар: Таһир Самигуллин, Марсель Хәлилов, Исмәгыйль Арсланов, Камил Фатыйхов, Рамил Арсланов, Илдус Сәгъдиев, Сөләйман Галиуллин, Мәхмүт Ногыманов, әтиле-уллы Габделнәфыйк һәм Нәзыйр Фәттаховлар, Инсаф Нигъмәтҗанов, Ягъфәр Шәмиев.
Ярышларны оештырып йөрүче Сөләйман Галиуллин: "Яңа ел алдыннан очраша алуыбызга сөенәм, -- диде. -- Ә иң сөендергәне менә шушы егетнең (Апаздан Инсаф Нигъмәтҗанов) Арчага ярышка килүе. Алар гаиләләре белән шахматчылар".
Инсафка 19 яшь. Ә менә шахмат сөюче Илдус абый Сәгъдиев яңа 85 ен тутырды. Исән-сау булсыннар! Яңа ел белән!
Нәтиҗәләр: 1нче урында Яңа Кенәрдән Таһир Самигуллин, 2нче -- Арчадан Марсель Хәлилов, 3нче -- Арчадан Исмәгыйль Арсланов. Котлыйбыз!
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев