Арчалар "Дөнья кубогы" ярышында катнашты!

Хапкидо буенча "Дөнья кубогы" Санк-Петербургта үтте. Тренерлары Газинур Борханов белән өч егет ярышка барды. Нәтиҗәләр куанычлы.

2001нче елгы Алмаз Закиров "Дөнья Кубогы" ярышында өченче урынга ия булды. Ә Арчаның 6нчы мәктәбендә укучы Ильяс Гыйльметдинов (2005 елгы) белән Арчаның 1нче мәктәбендә укучы Алим Локманов (2006 елда туган)  үз үлчәүләрендә 5 нче урынны алды. Призлы урынга аз гына җитми калалар.

Әле алар Санк-Петербургта. Самолетлары бүген кичкә генә.

Егетләрне һәм тренерны уңышлары белән котлыйбыз!

Шулай бервакыт шулай ук хапкидо буенча у ңышлар белән кайткач, тренер Газинур Юнусовичтан: "Таэквондоны чамалыйбыз, ә менә хапкидо нинди спорт төре", -- дип сораган идек. "Хапкидо ул Кореянең сугышчан сәнгате, -- дип аңлатты безгә тренер. -- Көндәшеңне нинди генә шартларда да сугышчан алымнар белән йолып алу, җиңү. Хапкидо алымнарын Кореяда гына түгел, күп илләрдә армиядә, полиция һәм төрле көч структураларында кулланалар. Ә хәзер менә спорт төре буларак кереп китте".