Арчалар Суслонгерда булды

Арча һәм Әтнә  районнары буенча хәрби комиссар Алмаз Борһанов җитәкчелегендә делегация Мари Илендәге Суслонгер җирлегенә барып сугыш елларында шундагы өйрәнү лагерында вафат булган якташларыбызны искә алды. Делегацияне җирле хакимият вәкилләре , тарих белән кызыксынучылар каршы алды һәм Бөек Җиңүнең 75 еллыгына биредә төзелгән истәлекле урыннар, мемореаллар белән таныштырдылар. Район мөхтәсибе  Әмир хәзрәт мәрхүмнәр рухына дога кылды, хәрби хезмәт ветераннары веноклар куйды, яшь армиячеләр, Арча ДОССАФы, Хәрби комиссариат хезмәткәрләре Суслонгер зиратында арчалар куйган һәйкәлгә  чәчәкләр утырттылар.