Арск-Информ
  • Рус Тат
  • Артистлар Сабан туенда ничә сумга чыгыш ясый?

    Бу күркәм бәйрәм һәммәгезгә күтәренке кәеф, яшәү дәрте бүләк итсен!

    Милли бәйрәмебез Сабан туе да килеп җитә, җәмәгать. Сабан туе ул – кем өчендер ял итү, туганнар һәм дуслар белән күрешү өчен менә дигән бер сәбәп булса, башка берәүләр өчен акча эшләп калу мөмкинлеге. Сүзем артистлар турында.

    Әйе, бу атна – артистлар өчен кызу урак өсте. Бу чор аларда ике тапкыр була: берсе Яңа ел алдыннан, икенчесе Сабан туенда. Быел кайсы артистның кайда чыгыш ясаячагын барлап чыктык. 

    Зәйнәб Фәрхетдинова белән Зөфәр Билалов: 11 июнь – Минзәлә районы, 12 июнь – Чистай шәһәре.

    Илсөя Бәдретдинова: 11 июнь – Минзәлә районы Әтрәк авылы, Түбән Кама шәһәре Үзәк мәйданы, Минзәлә районы Үзәк мәйданы, 12 июнь – Әтнә районы Күәм авылы, Апас районы Үзәк мәйданы.

    Фирдүс Тямаев: 11 июнь – Түбән Кама шәһәре, Биектау районы, 12 июнь – Тукай районы Кызыл Байрак авылы, 13 июнь – Минзәлә районы Толымбай авылы. Фирдүс Тямаев төркеменең бәясе – 500 мең сум.

    Гүзәл Уразова: 11 июнь – Нурлат, Зәй, Биектау районнары, 12 июнь – Илеш районы Исәнбай авылы, 18 июнь – Чаллы шәһәре, 19 июнь – Барда районы Үдик авылы.

    Ришат Төхвәтуллин: 10 июнь – Минзәлә районы Тауасты Байлар авылы, 11 июнь – Теләче, 12 июнь – Алабуга, 13 июнь – Актаныш районы Яңа Әлем авылы.

    Әнвәр Нургалиев: 11 июнь – Башкортстанның Чишмә районы, 13 июнь – Татарстанның Балтач районы Алан авылы, 17 июнь – Чакмагыш районы Күсәкәй авылы, 19 июнь – Казан, 24 июнь – Кушнаренко районы Яңа Гомәр авылы. Әнвәрнең бәясе – 300 мең сум. Аппатура белән киләсе булса, бу бәягә тагын 50 мең сум өстәлә.

    Рифат Зарипов: 11 июнь – Теләче, Мамадыш районы Түбән Ошма авылы, 12 июнь – Сарман Үзәк паркы, 19 июнь – Аскын районы Кәмәшәдә авылы. “Бәяләр 250 мең сумнан 400 мең сумга кадәр. Ничә сәгатькә, аппаратура кирәкме, алып барасымы, әллә җырлыйсы гынамы... Аның нюанслары күп”, - ди Рифат.

    Зинира һәм Ризат Рамазановлар: 11 июнь – Питрәч районы, 12 июнь – Әтнә районы Яңа Шашы авылы, Апас районы, 13 июнь – Алабуга районы Иске Юраш авылы, 19 июнь – Казанның “Тынычлык” бистәсе, Аккош күле. Бәяләргә килгәндә, Ризат: “Бер тавык та, бер савыт!” – диде.

    Данир Сабиров: 11 июнь – Актаныш районы Чөгәнә авылы, Тукай районы Биклән авылы, 12 июнь – Әтнә районы Комыргуҗа авылы. Данир Сабировның төркеме 250 мең сум ала.

    Реклама

    Гүзәл Идрисова һәм Илназ Баһ: 11 июнь – Тукай районы Күзкәй һәм Биклән авыллары,  12 июнь – Чүпрәле районы, Мамадыш районы Түбән Яке авылы. Бәяләрен Баһлар сер итеп калдырды.

    Гөлназ һәм Илсур Шәрипҗановлар: 11 июнь – Актаныш районы Чалманарат авылы, Бакалы районы Мирзаит авылы, 12 июнь – Сарман районы Карашай-Саклау авылы, 13 июнь – Арча районы Каргалы авылы, 18 июнь – Биектау районы Татар Алаты авылы. “Җырларга һәм алып барырга чакырсалар, 80 мең сум сорыйбыз. Ул очракта аппаратура һәм команда белән киләбез. Ә җырларга гына чакырсалар, 40 мең сум”, - ди Гөлназ.

    Айдар Ракипов: 11 июнь – Кайбыч районы, 12 июнь – Башкортстанның Илеш районы Исәмәт авылы, 18 июнь – Ульяновск, 19 июнь – Казанның “Тынычлык” бистәсе. Җырчы ничә сумга җырлавын әйтергә теләмәде. 

    Альбина Апанаева 11 июнь көнне Саба районы Сабан туенда чыгыш ясаячак. Аның бәясе 25 мең сумнан башлана. 

    Ринат Рахматуллин: 11 июнь - Мәскәү каласы, 12 июнь – Теләче районы, 19 июнь - Казанның “Тынычлык” бистәсе, Аккош күле. Җырчы кыз белән икесенә – 60 мең сум.

    Илзидә Госман: 11 июнь - Тәтеш районының Олы Тархан авылы, 12 июнь - Балык Бистәсе районы Шетнево-Тулуш авылы, Теләче районының Шәдке авылы. Илзидәнең бәяләре урынына карап, 20 мең сумнан 50 мең сумга кадәр икән.

    Илшат Сафин: 10 июнь - Кукмара районы, Починок Кучук авылы, 11 июнь - Балтач районы Сосна авылы, Саба районы, Кукмара районы Байлангар авылы, Балтач районы Куныр авылы, 12 июнь - Әтнә районы Күнгәр авылы, Арча районы, Саба районы Олыяз авылы, 18 июнь - Марий Эл Республикасы Күлбаш авылы, 19 июнь - Казанның "Тынычлык" бистәсе, Марий Эл Республикасының Параньга авылы. Илшатның бәясе - 35-40 мең сум.  

    Ваһапов фестивале лауреатлары Азат Абитов белән Гөлсирин Абдуллина: 10 июнь - Азнакай районы (Азат), 11 июнь - Мамадыш районы (икесе), 12 июнь - Саба районы (икесе), 13 июнь - Лаеш районы (Гөлсирин). Бәяләре 30 мең сум тирәсе.

    Газета укучыларыбызны якынлашып килүче милли бәйрәмебез Сабан туе белән ихластан котлыйбыз! Бу күркәм бәйрәм һәммәгезгә күтәренке кәеф, яшәү дәрте бүләк итсен!

    Тулырак: http://shahrikazan.ru/news/shou-biznes/urak-ste-artistlar-saban-tuenda-nich-sumga-chygysh-yasyy

     

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: