“Атказанган фермер” дигән мактаулы исем бирелде

Районыбызда иң беренчеләрдән булып гаилә фермасы төзеп эшен башлап җибәргән Хәлим Гарипов тора-бара иң уңышлы эшләүче фермер хуҗалыгы оештырды. Дәүләт программаларында катнашып яңа тораклар төзеде. Хәзер аларда 100дән артык сыер һәм таналар бар.

Күптән түгел Хәлим Гарипов Мәскәүдә фермерлар корылтаенда булып кайтты. Анда якташыбызга “Атказанган фермер” дигән мактаулы исем биреп кайтардылар.

20 февральдә район башлыгы Илшат Нуриев Хәлим Гариповны мактаулы исемгә лаек булуы белән котлады,  уңышлар теләде.