Авыл белән Илдарны кызганып елаганнар

Ә аның сөйләр сүзе күп. Бөек Җиңүнең 75 елллыгы уңаеннан әтисе турында сөйләде. Бу турыда икенче иркенләп язарбыз. Бер гыйбрәтле хәлне генә язам.

--Без ике кыз, дүрт малай үстек, -- дип сөйләде ул. -- 8 булганбыз, икесе үлгән. Олысы Илдар 7 яшендә тамагына нәрсәдер чыгып, шуннан үлгән. Сталин үлгән көнне үлгән ул. 5 мартта. 1953 елны. Бөтен авыл халкын клубка еларга җыйганнар. Соңыннан: "Без Сталинны түгел, Шакирны, улы Илдарны кызганып еладык", --дип сөйләгәннәр. Шакир ул безнең әти. Илдар авыл буйлап җырлап йөри торган булган, бөтен авыл халкы яраткан аны. Гомерсез булды шул... Әти безнең сугыштан бер аяксыз кайтты. Үзең исән вакытта балаңны җирләү иң авыр хәсрәт икән, ди торган иде. Мин кияүгә чыккач, улым туды, Илдар дип куштык. Әтинең куанып, яшь баланы исни--исни яратуы әле дә күз алдымда. Әти мәрхүм инде...

Без Рузилә ханым белән очрашырга сүз куешып саубуллаштык.