Бәйрәмовларның өч баласы да яхшы нәтиҗә күрсәтте

Сөләйман 1нче сыйныфта укый. Лиана - 3 сыйныфта. Олысы Сафия  5 сыйныфта. Арчаның 5 нче гимназиясендә укыйлар. Әтиләре Наил һәм әниләре Энҗе дә монда. Сөләйман иптәшләре арасында 1нче урынны алды. Лианада 2нче урын, Сафиядә 1нче урын. Афәрин! Алар бар да чаңгы секциясенә йөри. Тренерлары Азамат Идиятуллин. "Башта олы кыз Сафияне 2нче сыйныфта укыганда чаңгы секциясенә стадионга алып төштек, - дип сөйли әтиләре Наил. - Чаңгы аңа бик ошады. Азрак үскәч, кечерәкләр Лиана белән Сөләйман да чаңгыга йөри башлады. Чаңгы балалар өчен файдалы спорт төре".