Арск-Информ
  • Рус Тат
  • Бакча балалары Алтын Көз кызын тозактан коткарды

    Арчаның 1 нче балалар бакчасында гаҗәеп матур, күңелле "Алтын Көз һәм шаян Кикимора" дигән бәйрәм узды.

    Бакчабызның мәктәпкә әзерләнү төркеменә йөрүче балалар янына кунакка Алтын Көз килде. Ләкин...

    Шатланып бәйрәм үткәргән вакытта шаян Кикимора килеп Көз кызын үзенең яшел күленә алып китте. Көзнең юкка чыгуына балалар гына түгел, җәнлекләр дә кайгырышты, бергәләшеп Кикиморадан Алтын Көз кызын  бәйрәмгә кире кайтаруын сорадылар. Кикимора да нык үзсүзле икән,  балаларның теләген үтәр өчен алардан әллә ниләр эшләүләрен таләп итте, хәтта ярыш оештырды. Нәниләр биргән файдалы яшелчә, җиләк-җимештән авыз иткәч, аларның матур итеп җырлар җырлап, шигырьләр сөйләвеннән, ниһаять, Кикимораның күңеле йомшарды, Көз кызын азат итте. Ә Алтын Көз кызы бәйрәмгә килгәч, балалар бик куанышып, күңел ачу дәвам итте.

    Реклама

     

    Гөлназ Сәгыйтова, Гөлнара Зиннәтова, Арчаның 1 нче балалар бакчасы тәрбиячеләре

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: