Бакчабызда алтын көз

Үтте китте матур җәйләр.

Көзләр килеп җиттеләр.

Ак каенның яфраклары

Ссаргаешып киптеләр.

Арчаның 1 нче балалар бакчасының уртанчылар төркемендә “Бакчабызга алтын көз килде" дигән темага шөгыль үткәрелде.

Балалар табигатьтәге үзгәрешләр турында берсен-берсе уздырып, белемнәрен күрсәтте, саф һавада йөргәндә үзләре җыйган алтынсу сары яфраклар белән хәрәкәтле уен уйнадылар.

Аннан, төркемдә аралашып, хис-кичерешләре белән бүлешкәннән соң, тактага эленгән көз рәсемнәре буенча сорауларга төгәл җавап бирергә тырыштылар. Шөгыль балаларның зиһеннәрен тагын да камилләштерсен, исләрендә калсын өчен балаларга төрле яшелчә, җиләк-җимеш рәсеме ясалган маскалар киертелде.

Шөгель барышында алар актив булып, үзләрен кызыксындырган сорауларны яудырды, зур кызыксыну белән катнаштылар.

Тәрбиячеләр Гөлнара Зиннәтова, Ольга Шәрипова

Автор фотолары