Бала тапканда вафат булган Арча кызы Диләнең гаиләсенә ярдәм кирәк

Арча районының Шура авылында туа ул. Апасы Ләйсән белән икесен язмыш яшьтән сыный: аврып башта әтиләре, берничә елдан әниләре үлеп китә. Кызлар үз көннәрен күрү өчен тырышып-тырмашып яши башлый. Апасы Ләйсән гаиләсе белән Биектауда урнашкач, Дилә дә, гаилә тормышы барып чыкмагач,  улы Әмирханны ияртеп апасы янына китеп бара, шунда эшкә урнашып яши башлыйлар. Язмыш аларны Радик белән очраштырып, кабат әни булу бәхетен бүләк итә. Тик балаларны парлашып үстерергә генә язмаган икән... Бүгенге көндә Диләнең гаиләсе кешегә түлә фатирда яши, үзләренең торак мәсьәләсе хәл ителмәгән. Бер атага гына торак мәсьәләсен дә хәл итәргә, гаиләне дә тәэмин итәргә финанс мөмкинлеге җитми. Ләйсәннең үз гаиләсе. Ул сеңлесенең гаиләсен бер минутка да игътибарсыз калдырмый, әлбәттә, балаларны үстерешүдә ул төп терәк.

Якташыбыз Диләнең гаиләсе ярдәмгә мохтаҗ. “Райондашлар арасында мөмкинлеге булган изге күңелле кешеләр булса, ярдәм итсеннәр иде”, — ди Ләйсән Мортазина.