Башкортстанда 1 апрельдән 65 яшьтән өлкәннәр өчен үзизоляция режимы гамәлдән чыга

Башкортстанда 65 яшьтән өлкәнрәкләр, шулай ук хроник авырулары булган кешеләр өчен мәҗбүри үз-үзеңне изоляцияләү режимы 1 апрельдән гамәлдән чыгарыла. Бу хакта «Башинформ» хәбәр итә.

Республика башлыгы Радий Хәбировның «Югары әзерлек» режимын кертү турындагы указының яңа редакциясе рәсми рәвештә басылып чыкмаган әле.

2021 елның 27 мартындагы үзгәртелгән документта өлкәннәр өчен үзизоляция режимын 31 мартка кадәр озайту турында сүз барган иде.

 https://tatar-inform.tatar/news/society/31-03-2021/bashkortstanda-1-apreld-n-65-yasht-n-lk-nn-r-chen-zizolyatsiya-rezhimy-gam-ld-n-chyga-5816345