Татарстанда төнлә -2 градуска кадәр суык булачак

Республиканың Гидрометеорология һәм әйләнә-тирә мохитне күзәтү үзәге фаразы буенча, киләсе атнада Татарстанда явым-төшем һәм төнге суыклар булачак.

Дүшәмбе, 17 октябрьдә, республикада төнге температура +3..-2 градус тәшкил итәчәк, көндез һава +7..+12 градуска кадәр җылыначак.

Казанда көндез +9..+11 градус җылы булачак, төнлә – +1..+3 градуска кадәр.

Явым-төшем сишәмбе һәм чәршәмбе көнне (18 һәм 19 октябрь) булырга мөмкин. Җил көньяк-көнбатыштан булачак, аның тизлеге секундына 15 метрга җитәргә мөмкин. Төнге температура нульдән бераз югарырак булачак, көндез +4..+10 градус җылылык көтелә

Бу хакта тулырак: https://tatar-inform.tatar/news/tatarstanda-tonla-2-graduska-kadar-suyk-bulacagyn-kisattelar-5861513