Буратино Арчадагы балалар бакчасында юл йөрү кагыйдәләрен өйрәнде

Чарага Арча эчке эшләр ЮХИДИ бүлегенең юл хәрәкәте иминлеге профилактика бүлекчәсе мөдире Энҗе Мөхәммәтҗанова, ЮХИДИ хезмәткәрләре Рөстәм Хәкимов һәм Алмаз Әһлуллин килде.

Бәйрәмгә килгән Буратино балаларга үзенең әздән генә юл һәлакәтенә очрамый калуы турында сөйләде. Ул юл йөрү кагыйдәләрен белми икән, шунлыктан, балалардан ярдәм итүләрен үтенде. Балалар бик теләп ризалашты. "Светофор" уенын уйнаганда Буратино светофорның төсләре ни өчен кирәклеген, нәрсәне аңлатканлыгын белүенә бик куанды. Чара төрле кызыклы, хәрәкәтле уеннар белән үрелеп барды. Балалар табышмакларга җаваплар эзләделәр, юл йөрү кагыйдәләрен төгәл үтәп, "Йөк машиналары", "Самокатта сак йөр!" дигән уеннар уйнадылар, ЮХИДИ хезмәткәрләре белән әңгәмәдә, бергәләп уеннарда катнаштылар. Соңыннан балалар кунаклар алып килгән бүләкләрнең иясе дә булды. 

Арчаның 1 нче номерлы балалар бакчасы тәрбиячеләре Гөлнара Зиннәтова һәм Гүзәлия Исмаилова