Арск-Информ
  • Рус Тат
  • Быел Кара диңгез буенда нинди җәй көтелә?

    Коронавирус пандемиясе күпләрнең җәйге ялга планнарын бозды. Бу җәйне чит илгә чыгып булмаячак. Эчке туризмга игътибарны юнәлтсәк, быел безне нинди җәй көтә соң?

    Илнең күп төбәкләрендә изоляция режимы июнь урталарына туктатылырга тиеш. Шуңа үзебезнең Кара диңгез буена күпләр бара алырга мөмкин.

    Синоптиклар билгеләвенчә, Кырымда җәй башы җылы булачак – 23-25 градус. Кайбер көннәрдә моннан да югарырак һава температурасы көтелә. Яңгырлар да бераз булмакчы. Июльдә Кырымда һава температурасы 32 градуска кадәр җылыначак, кайбер көннәрдә 35кә кадәр күтәреләчәк. Август башы шулай ук җылы булачак, ай уртасында бераз суытачак – 23-26 градус җылылык көтә, ә ай ахырында янә 30 градус эссе була, дип ышандыра синоптиклар.

    Реклама

    Краснодар краенда җәй яңгырлар белән башланачак, ә июнь уртасыннан соң 25 градус җылылыктан югары булачак, дип ышандыралар. Ай ахырында көчле яңгырлар, яшен вәгъдә итәләр. Июльдә Краснодарда бик эссе булмакчы – 30-35 градус. Синоптикларга ышансак, август та бу төбәктә эссе булачак.

    Фото: zen.yandex.ru

    https://kiziltan.rbsmi.ru/articles/obchestvo/Biel-Kara-di-gez-buenda-nindi--y-k-tel-274043/

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: