Чиновникның миллион сумын урлаганнар

автор, 4 август 2020 - 09:45

1276

Башкортстанның гаилә, хезмәт һәм халыкны социаль яклау министры урынбасарының бер миллион сум акчасын урлаганнар.

Югары дәрәҗәле түрә полициягә гариза белән 29 июль иртәсендә мөрәҗәгать иткән. Ул хезмәткәрләргә 14 июльдән 25 июльгә кадәр аның Уфадагы фатирыннан 967 мең сум акча урлануын сөйләгән. Күрәсең, күрсәтелгән чорда хатын өендә булмаган.

Полицейскийлар зыян күрүченең фатирын тикшергән. Анда алар бармак, аяк киемнәре эзләрен төшергәннәр, шулай ук ике полимер пакет һәм йозакны алганнар. Хәзер зур күләмдә урлау факты буенча җинаять эше кузгату мәсьәләсе хәл ителә.