Арск-Информ
  • Рус Тат
  • Арча даруханәләренең күбесендә медицина маскалары беткән!

    Бүгенге көндә даруханәләрдә иң күп сатылган әйберләрнең берсе - маскалар. Шәһәребезнең 7 аптекасында уздырган сораштырулардан соң, без моңа тагын бер тапкыр инандык.

    Аларның бары тик икесендә генә бүгенге көндә маскалар бар һәм әлегә иске бәядән (1 пачка (5 штук) 45 сум). Ә поликлина янындагы даруханәләрнең берсендә шундый ук маскалар 70 сум булып кайткан, тик алары да шунда ук сатылып беткән. "Бер алганда әллә ничәшәр пачка алып китәләр. Табиблар да, шәфкать туташлары да ала", диләр даруханә сатучылары. 

    Реклама

    Арчаның 29 номерлы үзәк даруханә мөдире Айгөл Хәсәнова әйтүенчә, аларда да маскалар беткән. "Бик күпләп алдылар маскаларны. Элеккеге бәядән саттык. Казанга маскаларны яңадан кайтартуларын сорап яздык, әлегә җавап юк. Нинди бәя белән кайтасын шулай ук белмибез, " диде ул. Үзәк даруханә белән элемтәдә торып, соңгы яңалыкларны җиткереп барачакбыз. 

    Ил җитәкчелеген дә бу хәл борчыганын белеп торабыз. Россия Президенты монополиягә каршы көрәш хезмәтенә даруханәләрдәге маскаларга бәяләрне күтәрүне контрольгә алырга күрсәтмә бирде. Без бу чаралар тиешле нәтиҗә бирер һәм даруханәдә яңадан маскалар элеккеге бәядән сатуга чыгар дип өмет итәбез.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: