Егетләр янган йорттан әбине коткарганнар

Фотоларда. Өстә 1нче - Артур Алдошин.

2нче - Айдар Мөхәрләмов.

3нче - Айрат Йосыпов.

2 июньдә Арчаның Коммуна урамында янгын булганы турында беләсез инде. Ә менә анда геройлыклар эшләгән егетләр турында беләсезме икән?!  Безгә бу турыда район янгын часте тикшерүчесе Наил Бәйрәмов хәбәр итте: "Егетләр Төбәк Чокырчадан 2002нче елгы Айдар Мөхәрләмов һәм Арчадан 2003 елгы Артур Алдошин кич чыккан җирдән 9лар тирәсендә бер йорттан төтен чыкканын күреп алалар.  Һәм шунда йөгерәләр. Озак уйлап тормыйлар, тиз генә янган йортның бикле капкасын ватып кереп өйдән 85 яшьлек әбине алып чыгалар. Аларга ярдәмгә 1980 елгы Айрат Йосыпов та кушыла. Бу бит батырлык! Берәү дә янган йортка керәм дип тормый. Телефон белән видеога, фотога төшерүне кулаерак күрәләр. Монда да егетләр артыннан кая янган йортка керәсез дип әйтеп калалар. Без аларга рәхмәт әйтү, котлау өчен район башлыгына тәкьдим хаты яздык. Айрат Лесхозда агросәнәгать көллиятендә укый. Артур эшли. Айрат Йосыпов "Икстрой" ширкәте директоры. Бик зур рәхмәт егетләргә! Сез чын егетләр!"