Елмаюлы флешмобка арчалар да кушылды (+ВИДЕО)

Шулай итеп, алар коронавируска бәйле карантинда булучыларга елмаю бүләк итте.

Бүгенге көндә Татарстанда 1000 нән артык кеше карантинда исәпләнә. Алар — ерак сәфәрләрдән кайтучылар. Аларга рухи ярдәм күрсәтү ниятеннән, республика халкы флешмоб уздыра һәм елмаюлы фотосурәтләрне социаль челтәрләргә урнаштыра. Флешмобның идеясе — “Минем белән бергә хыяллан” Бөтенроссия хәйрия проектыныкы. Флешмобта катнашучылар фотосурәтләрен күңел юаткыч сүзләр һәм #воВсе32, #мечтайсомной хештегы белән урнаштыра.

Акциягә Татарстаннан гына түгел, Россиянең төрле төбәкләрендә яшәүчеләр дә кушылды. Шулай ук “Арча хәбәрләре” газетасы редакциясе һәм “Арча” радиосы коллективлары да читтә калмады. Хезмәткәрләрнең елмаюлы йөзләрен #воВсе32, #мечтайсомной хештегы белән яки Инстаграмда arvestnik аккаунтына кереп карый аласыз. Шулай ук флешмобка Татарстан Президенты Рөстәм Миңнеханов та кушылды.

 Акцияне оештыручылар фикеренчә, елмаю кешеләрне берләштерә һәм дөньяны матур, бәхетле итә.