Елның беренче язылышучыларын теркәделәр

Республика ЗАГС бүлекләре 3 гыйнвардан гына эшли башлый. Ә менә Чаллыда тимерне кызуында сугарга булганнар – 1 гыйнварда бер парны язылыштырганнар. Бу көнне Рубин һәм Айгөл Магдановлар гомергә бергә булырга вәгъдәләр биреп, балдаклар алышканнар. Беренче язылышкан пар буларак, аларны шәһәр башлыгы Наил Мәһдиев котлаган, таныклык белән бергә ТАССРның 100 еллыгы уңаеннан күкрәк билгеләре һәм көнкүреш техникасы алу өчен сертификат та тапшырган. Яшь парга бәхет телибез. Истәлекле генә түгел, озын гомерле ел вакыйгасы булсын бу.

chelny-izvest.ru