Эше дә, яше дә – бишлеләрдән

19 гыйнварда “Кызыл Яр“ ширкәте җитәкчесе Касыймов Ирек Мансур улына 55 яшь тулды. Район авыл хуҗалыгы һәм азык-төлек идарәсе җитәкчесе аны юбилее белән котлап, ТР авыл хуҗалыгы һәм азык-төлек министрының Рәхмәт хатын тапшырды.

Юбилярның әтисе Мансур абый озак еллар колхоз рәисе булып эшләде. Абруйлы җитәкче иде, колхозы да алда булды, халык мәнфәгатьләрен иң алгы планга куеп яшәде.

Ирек Мансур улы да ипле, төпле җитәкче. “Кызыл Яр“ ширкәте мактаулы хуҗалыклар рәтендә. Районда беренчеләрдән булып бозауларны яңача технология буенча асрауга күчтеләр, күп төзелешләр алып барыла.