Фәрит Минхаиров: «Туризм - күп җанатарлар җәлеп итми торган спорт төре»

22 февральдә чаңгы туризмы буенча республика ярышларына катнашкан туристлар өчен Фәрит Минхаировның "Минем тормышымда туризм" китабының презентациясе булды.

Фәрит Фәтхи улы - спорт туризмы буенча легендар тренер, ул соңгы 50 елда 9 спорт мастерын һәм чаңгы туризмы буенча спорт мастерлыгына 14 кандидат әзерләүче шәхес. Ул бу өлкәдә эшләгән хатирәләре белән уртаклашты һәм үз китабыннан хикәяләр укыды.

"Туризм - күп җанатарлар җәлеп итми торган спорт төре. Әйтик, 4-5 класслы озын дистанция ярышлары. Бер генә җанатар да команда янында 12-15 километр йөгереп, булган хәлне камерага төшермәячәк. Аны дистанциягә чыгармаячаклар да. Шуңа күрә безнең архивларда иң катлаулы һәм кызыклы этаплардан фотолар бик сирәк...", - дип язган тренер китабында. Ләкин шулай да Фәрит Минхаиров үз китабында күп кенә кызыклы фотоматериаллар туплаган. 

Бу чараның үзенчәлеге шунда, китап әдәбият сөючеләргә түгел, спорт туризмы белән мавыккан туристлар өчен тәкъдир ителде. Чара вакытында Зилә Зиннәтова Фәрит Минхаиров язган "Лыжный поход" җырын башкарды. Укучылар сарае директоры Руслан Гыйниятуллин тренерга Арча районында спорт туризмын үстерүгә керткән өлеше өчен рәхмәт сүзләрен җиткерде. Фәрит Минхаировның шәкерте Ленар Сафин да тренерына рәхмәт белдерде.

Бу презентация Фәрит Минхаиров китабы белән танышу мөмкинлеге генә түгел, ә спорт сөючеләр өчен спорт туризмы турындагы тәэсирләре һәм истәлекләре белән уртаклашу өчен яхшы сәбәп тә булды. Казан шәһәренең "Простор" туризм үзәге директоры урынбасары Сергей Дерзаев та туризм буенча тәҗрибәле тренер, шундый талантлы һәм үз эшенә тугры кеше белән хезмәттәшлек итү турындагы тәэсирләре белән уртаклашты.