Арск-Информ
  • Рус Тат
  • Фаяз – чемпион!

    25–27 мартта  Данил Галиев истәлегенә Түбән Кама шәһәрендә көрәш буенча республика турниры үткәрелде.


    Бу ярышта 33 шәһәр һәм район командалары  катнашты.
    65 килограммга кадәр үлчәү категориясендә Иске Иябаш авылыннан Салават Әхмәтгалиев, 2нче әйләнештә матур көрәш алымнары  күрсәтеп, 3нче әйләнешкә үтте. 70 килограммга кадәр үлчәүдә Урта Курсадан Ралиф Нурисламов яшьләр арасында Россия призеры Алабуга егете, дөнья чемпионы Ислам Фәләховка очколар буенча гына оттырды. 
    Мәтәскәдән Илшат Фазылҗанов (75 кг.га кадәр) матур алымнары белән дүртенче урынга лаек булды. 
    АПК студенты  Инсаф Мөбарәкшин (80 кг.га кадәр), яшь булуына карамастан, шулай ук дүртенче урынга күтәрелде.
    Наласадан спорт остасына кандидат Фаяз Зарипов (85 кг.га кадәр), тамашачыларга чын татар көрәшен күрсәтеп, чемпион исеменә лаек булды! (Беренче тренеры – Таһир Лотфуллин).
    90 килограммга кадәр авырлыкта Масра авылыннан Нәсим Габидуллин, Арчадан Илнур Зәйнуллин, бу ярышта 2 әйләнешне санаулы секундларда отып, 3 әйләнешкә үттеләр. 1 апрельдә Нәсим белән Илнур Төмән шәһәрендә Бөтенроссия турнирында катнашачак, үз үлчәү категориясендә отсалар, аларга спорт остасы исеме биреләчәк. Егетләргә уңышлар телибез.
    Өчиледән Әнис Гарипов, Арчадан Рамил Хәкимҗанов, Иске Кишеттән Альберт Ситдыйковның Арча җыелма командасының  лаеклы дүртенче урынга күтәрелүендә өлешләре зур булды. Команданы ярышка Илшат Идиятов, Фәнис Зарипов әзерләде.
    Ринат Алеев,
    район көрәш федерациясе  рәисе

    Реклама

     

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: